APOLLO GEEKS

 අපිටම කියලා Blog එකක් හදමු -1 කොටස

 Blog එක ලියන්නේ මොනාගැනද ?

මම දැන් කියන්න යන්නේ Blog හරියට හදලා ඒක නිසි පරිදි පවත්වාගෙන යන්නේ කොහොමද කියලා... මේක ගැන මට එක ලිපියකින් විස්තර කරන්න අමාරුයි.. ඒ නිසා මේ ගැන කියන්න ලිපි පෙළක් පල කිරීමට මම බලාපොරොත්තු වෙනවා.

ප්‍රධාන වශයෙන් නොමිලේ Blog අඩවි පවත්වගෙන යාමට අවස්ථාව සලසා දෙන වෙබ් අඩවි දෙකක් තියෙනවා. ඒවා නම් Blogger හා Wordpress තවත් ඒවැනි අඩවි තිබුනත් මෙතරම් සාර්ථක නොවේ. එ මෙන්ම සරල ලෙස පවත්වා ගෙන යාමද අපහසුයි. මෙම වෙබ් අඩවි දෙකෙනුත් මම විස්තර කිරීමට යන්නේ Blogger ගැන පමණි.

          

Blog හදන එක අමාරු වැඩක් නෙමෙයි ඒත් Blog එකක් හදන්න කලින් අපි හිතා බැලිය යුතු කරුණු කිහිපයක් තියෙනවා. ඒවා නොසලකා ලියන්නම් වාරේ Blog එකක් ලියන්න ගියාම කාලයක් යද්දි අපිටම එපා වෙනවා.

Blog ලිවීමට පෙර නිශ්චිත අරමුණක් තියෙන්න ඕනේ

ලොව බොහෝ පිරිස් බ්ලොග් ලිවීමේ නිරත වෙනවා එයාලා එක එක අරමුණු වලටයි බ්ලොග් ලිවීමේ නිරත වන්නේ. අපි බ්ලොග් එක්ක ලියන්න කලින් අපි මොනවා ගැනද ලියන්න යන්නේ කියලා අවබොදයක් අපි ලග තිබිය යුතුයි.

1. පෞද්ගලික තොරතුරු සටහන් කර තැබීමට

* දිනපොතක් ලෙස

ලංකාවේ නම් මෙහෙම බ්ලොග් ලියන කට්ටිය අඩුයි. සමහර අය තමන්ගේ දිනපොත හැටියට බ්ලොග් ලියන අය ඉන්නවා. තමාට දිනපතා සිදුවන විශේෂ සිදුවීම් එදිනෙදා සිදු වූ දේවල් තමන්ට හිතෙන දේවල් එක්ක දිනපොතක් හැටියට බ්ලොග් ලියන අය ඉන්නවා. මේ වගේ බ්ලොග් තමන් පෞද්ගලිකව රහසේ තියා සිටිනවා මිසක් ප්‍රසිද්ද කිරීමක් කරන්නේ නැහැ.

* ජීවිතයේ විශේෂ සුනදර මතකයන් ඇතුලත් කර බ්ලොග් ලීවීම

තමාගේ ජීවිතයේ සිදුවුන වැදගත් අවස්ථා, ඒ වගේම සුන්දර මතකයන් ඇතුලත් කර බ්ලොග් ලියන කට්ටියක් ඉන්නවා. උදාහරණයක් ලෙස තමන් සහභාගී වූ චාරිකාවක පින්තූර හා විඩියෝ විනොදමත් සිදුවීම් සටහන් කර බ්ලොග් ලිවීම

මෙවැනි බ්ලොග් වලින් බලාපොරොත්තු වන්නේ තමන්ගේ සිත නිදහස් කර ගැනීම හා තමන්ගේ අත්දැකීම් පිලිබද අන්අයගේ අදහස් විමසා දැන ගැනීමටයි.

2. මුල්‍යමය අවශ්‍යතා පදනම් කරගෙන බ්ලොග් ලීවීම.

* බ්ලොග් අඩවියේ දැන්වීම පල කරමින් බ්ලොග් ලිවීම

මේ විදිහට බ්ලොග් ලියන කට්ටිය ලංකාවේ ගොඩක් ඉන්නවා. එයාලා බලන් ඉන්නේ කොයි වෙලාවෙද කවුරුද එයාලාගේ වෙලෙද දැන්වීමක් Click කරන්නේ කියලා. මොකද එයාලා ගොඩ දෙනෙකුට මුදල් ලැබෙන්නේ Click ප්‍රමාණයටයි. අවුරුද්දක් පල කර තිබෙනවාට මුදල් ලබා දෙන අවස්ථාද තිබෙනවා.

* තමන් කරන ව්‍යපාරයක විස්තර දැමීම

තමන් ඇතැම් උපාංග විකුණන ව්‍යපාර කරන අය තමන්ගේ උපාංග පිලිබද විස්තරයක් හා වර්ණනා කරමින් බ්ලෙග් ලියා එම උපාංග විකිණිමට තැත් කිරීම. ‍උදාහරණ ලෙස ඡායරූපකරණයේ යෙදෙන්නන් හා සිතුවම් ඇදීමේ යෙදෙන්නන් හා නොයෙක් ස්වයං නිෂ්පාධන කරන්නන් විසින් තමන්ගේ නිර්මාන බ්ලොග් අඩවියේ ඇතුල් කර ඒවා අලෙවි කිරීමට උත්සහා කිරීම

* ආධාර ලබාගැනීම උදෙසා

තමන් සමාජ සත්කාරයක් කරමින් හො කරන බව පවසමින් ඒ පිලිබදව විස්තර පල කර බ්ලොග් ලියා එයට උදව් වෙන ලෙස සලකා Donate Button එකක් ඇතුලත් කර විදේශිකයන්ගෙන් මුදල් ආධාර බලාපොරොත්තු වීම.

මෙවැනි බ්ලොග් අඩවි ප්‍රසිද්ධ කිරීම සදහා නොයෙක් ක්‍රම ඔවුන් භාවිතා කරයි. එම පැමිනෙන පිරිස මත තමන්ට ලබා ගත හැකි ආදායම වැඩි කර ගත හැකි බැවින්.

3. රසාස්වාදය හා මානසික තෘප්තිය සදහා

* තම නිර්මාන ඇතුලත් කර බ්ලොග් ලිවීම

කාව්‍ය, සදැද් නිසදැස්, කෙටි කතා, නව කතා, චිත්‍ර කතා, විහිලු, සින්දු , චිත්‍ර, ඡායාරෑප හා තවත් බොහො දේවල් අතරින් එකක් තොරා ගෙන එවා පල කරමින් බ්ලොග් ලියන්නන් බොහොමයක් සිටී

* නව තාක්ෂණය හා පරිගණක හො අන්තර්ජාල උපායන් (Tricks) ඇතුලත් කර

නව තාකෂණික පුවත් හා පරිගණක හා අනතර්ජාලය හැසිරවීම පිලිබදව අප නොදන්න ප්‍රයෝජනවත් ලිපි හා උපකාර ඇතුලත් කරමින් බ්ලොග් ලියන පිරිසක් පවතී. මේවැනි බ්ලොග් අඩවි කියවීමට බොහෝ දෙනා පුරුදුව සිටින්නේ නොදන්නා යමක් දැන ගත හැකි බැවිනි.

* ප්‍රවෘති හා ඕපාදූප (Gossip)

මෙවැනි බ්ලොග් අඩවි ගොඩක් ජනප්‍රියතාවයක් උසුලන්නේ මෙවන් බ්ලොග් අඩවි වල පලවන්න එදිනෙදා ජීවිතයේ වැදගත් සිදුවීම (ප්‍රවෘති) හා ප්‍රසිද්ද පුද්ගලයන් ආයතන පිලිබද ඕපාදුප බැවිනි. ලංකාවේ බොහෝ දෙනෙක් මෙවැනි අඩවි වැඩි වශයෙන් කියවීමට පුරුදු වී සිටී.

* ව්‍යපෘති හා ක්ෂේත්‍රයන් පිලිබද දැනුම

තමන් කරන ව්‍යාපෘතියක තමන් අනාවරණය කර ගන්නා දේවල් ඇතුලත් කර බ්ලොග් ලිවීම හා තමන් කැමති ක්ෂේත්‍රයක් ගැන ලිපි පල කරමින් බ්ලොග් ලිවීමයි උදාහරණ ලෙස පරිගනක ක්‍රීඩා ගැන බ්ලොග් ලිවීමත් තාරකා විද්‍යාව වැනි ක්ෂේත්‍රයක් ගැන බ්ලොග් ලිවීමත්.

* මෘදුකාංග ‍හෝ ගොනු (Files) නොමිලේ බාගැනීමට ලබාදෙන

මෘදුකාංග, සින්දු, Music Clips , Videos , Wallpapers, Movies වැනි දෑ නොමිලේ බා ගැනීමට අවස්ථාව සලසා දෙම්න් ඒ පිලිබද් ඇතුලත් කර ලියන බ්ලොග් අඩවි.

මෙවැනි බ්ලොග් ලියන්නන් අදාල ලිපි වල ලැබෙන ප්‍රතිචාර මත තෘප්තිමත් වේ. එ මෙන්ම තමාගේ බ්ලොග් අඩවිය බැලීමට පැමිණි පිරිස ගැන සලකා තෘප්තිමත් වේ. ඔවන් එවන් බ්ලොග් අඩවි ප්‍රසිද්ධ කරනුයේ අමුත්තන් පිරිස වැඩි කර ගැනීමේ අරමුනෙනි.

මෙම බෙදීම සම්මතයක් නොවන අතර තමන්ට තමා ලියන බ්ලොග් අඩවිය කුමන ආකාරයේ එකක්ද යන්න අරමුනක් ගැනීම උදෙසා සදහන් කල බෙදීමකි. සමහරුන් නිසි අරමුණක් නැතිව ගොඩක් දේ බ්ලොග් අඩවියේ ඇතුල් කිරීමට ගොස් බ්ලොග් අඩවි නිසි කලක් පවත්වා ගෙන යාමට නොහැකිව අතරමැද නවතා දමයි.

එම නිසා තමා කුමන ආකාරයේ බ්ලොග් අඩවියක්ද හදන්නේ යැයි නිසි අරමුණක් තබා ගන්න. ඔබට අරමුණු කිහිපයක් ඇතිනම් ඒවාට අදාලව වෙන වෙනම බ්ලොග් අඩවී සෑදීමට අවස්ථාව ඇත. එසේ නොමැතිව සියල්ල එකම බ්ලොග් අඩවියේ ඇතුල් කර අච්චාරු සෑදිම නිෂ්ඵල ක්‍රියාවකි.

බ්ලොග් එකක ලිපි පල කිරීමෙදි තනිවම හෝ කණ්ඩායම් වශයෙන් ලිපි පළ කිරිමේ හැකියාවද පවතී. එම නිසා තමාගේ බ්ලොග් අඩවිය Personal blog එකක්ද Group blog එකක්ද යන්න තීරණය කරන්න. එමෙන්න තමාගේ අරමුණට අදාල වන ලෙස Blog Name එකක්ද තීරණය කරගන්න.

මේ ලිපියත් ලියූ ප්‍රමාණය ගොඩක් වැඩී ඒ නිසා දැන් මම මේ ලිපිය නවත්වනවා දෙවෙනි ලිපියෙන් බ්ලොග් අඩවිය සාදා ගන්නා ආකාරය පිලිබදව විස්තර කරන්නම්.

ඔබට මේ කරුණු වැදගත් උනා කියලා සිතෙනවා නම් Comment එකක් දමා යන්න.
 

   POSTED BY SAMITH DILSHAN